Жинсий зўравонлик бўйича айбланаётган Бенжамен Менди устидан суд жараёни бошланди

«Манчестер Сити» футболчиси Бенжамен Менди устидан суд жараёни бошланди, дея хабар қилмоқда ESPN.

«Шаҳарликлар» ҳимоячисига жинсий зўравонлик бўйича 8 та, зўрлашга уриниш бўйича битта айблов қўйилган. Бенжамен барча айбловларни рад этган.

Прокурор Тимоти Крей суд жараёнини очар экан, қуйидаги гапларни айтди: «Айблов оддий. Бунинг футболга умуман алоқаси йўқ. Бу жуда қадимги ҳикоянинг яна бир боби — эркаклар аёлларни зўрлайди ва жинсий зўравонлик қилади, чунки улар ўзларини кучли, бундан осонгина қутулиш мумкин деб ҳисоблайди».

Менди дўсти Луи Саа Маттури билан бирга судланмоқда, айбловга кўра, у футболчининг жинсий жиноятларига шерик бўлган.

«Айбланувчиларнинг биргаликда қилган ҳаракатлари улар ов қилган аёлларга нисбатан бефарқлигидан далолат беради. Уларнинг фикрича, уйларига олиб келган аёллар фақат жинсий алоқа учунгина керак бўлган.

Масаланинг моҳияти шундаки, судланувчиларнинг ушбу 13 нафар аёлга нисбатан таъқиби уларни оғир жиноят содир этишга тайёр қиладиган йиртқичга айлантирган. Улар йўқ деб жавоб бермайди ва суд ҳам уларни қайта-қайта эшитади», — дейди Крей.

Суд жараёни 15 ҳафтагача чўзилиши кутилмоқда. Гумонланувчилар гаров эвазига озод этилган.

Менди сўнгги бор 2021 йил 15 август куни майдонга тушган эди.