Тошкентда тўртта янги автобус йўналиши ташкил этилди

Тошкентда 16 августдан бошлаб тўртта янги автобус йўналиши ташкил этилди. Бу ҳақда Тошкент шаҳар транспорт бошқармаси хабар берди.

Булар қуйидагилар:

20-сонли «Ибн Сино 1-мавзеси—Гулобод кўчаси» янги автобус йўналиши. Йўналиш Isuzu автобусларида Ибн Сино 1-мавзесидан Белтепа, Зангиота, Жарариқ, Кўксарой, Ипакчи 2-тор, Ипакчи, Қўрғонча, Оқсой, Кўкча Дарвоза, Лайлитўғон кўчалари орқали Гулобод кўчасига қадар соат 6:00 дан 21:30 гача ҳаракатланади.

52-сонли «Учувчилар шаҳарчаси—Тошкент вокзали» янги автобус йўналиши. Йўналиш Isuzu автобусларида Учувчилар шаҳарчасидан Учувчилар, С.Толипов 1-тор, Қумариқ, Г.Алиев, Темир йўлчилар, Сарикўл, Туркистон кўчалари орқали, Тошкент вокзалига қадар соат 6:00 дан 21:30 гача ҳаракатланади.

138-сонли «Шифокорлар шаҳарчаси—Беруний метроси»  йўналиши. Йўналиш ҳаракати Шифокорлар шаҳарчасидан Қамарнисо, Шифокорлар, Фаробий, Пахтачи, Зафаробод, Кичик ҳалқа йўли, Фаробий, Беруний кўчалари орқали Беруний метросига қадар соат 6:00 дан 21:30 гача ҳаракатланади.

139-сонли «Бирлик мавзеси—Чилонзор метроси» янги автобус йўналиши. Йўналиш Isuzu автобусларида тўғри йўналишда Бирлик мавзесидан Кўркам, Кўкча Дарвоза, Назарбек, Журжоний, Фарҳод, Кичик ҳалқа йўли кўчалари орқали Чилонзор метросига қадар соат 6:00 дан 21:15 гача ҳаракатланади.

Маълум қилинишича, ушбу янги йўналишлар фуқаролар талаб ва таклифларидан келиб чиққан ҳолда аҳолининг жамоат транспортига бўлган эҳтиёжини қондириш мақсадида ташкил этилди.

Эслатиб ўтамиз,  пойтахтда 9 августдан бошлаб учта янги автобус йўналиши йўлга қўйилганди.