Шаҳрисабз, Кўкдала ва Нишонда 3 нафар фуқаро жами 1 млрд 564 минг сўмлик ичимлик сувидан ноқонуний фойдалангани маълум бўлди.
«Ўзсувтаъминот» АЖ Ахборот хизмати хабарига кўра, 2022 йилнинг июль ойида мазкур туманларда ўтказилган рейд тадбирлари давомида Ичимлик сувидан фойдаланишни назорат қилиш вилоят ҳудудий инспекцияси ва «Қашқадарё сув таъминоти» МЧЖ ходимлари томонидан 3 та ҳолатда магистрал қувурга ноқонуний уланиб, жами 1 млрд 564 минг сўмлик ичимлик сувидан бошқа мақсадларда фойдаланиш ҳолатлари аниқланди ҳамда тегишли тартибда расмийлаштирилиб, тўпланган ҳужжатлар прокуратура органларига тақдим этилди.
Ачинарлиси, олис ҳудудларда минглаб аҳоли кундалик эҳтиёжлари учун сув тополмай қийналган ёзнинг чилласида ичимлик сувидан кимдир балиқ кўлини сув билан тўлдиришда, яна кимдир беда, тарвуз экилган даласини суғоришда фойдаланиб келган.
Изоҳ (0)