Андижонда банк ходимлари банкоматларга жойлаштириш учун ажратилган 111 млн сўмни ўзлаштиргани аниқланди

Андижонда АТ «Халқ банки» собиқ ходимлари 111 миллион сўмни ўзлаштиргани аниқланди. Бу ҳақда Бош прокуратура ҳузуридаги департамент хабар берди.

Департаментнинг Булоқбоши тумани бўлими томонидан ўтказилган терговга қадар текширувда АТ «Халқ банки» Булоқбоши филиали кассири ҳамда бухгалтер назоратчиси вазифаларида ишлаган И.М. ва Ш.Ш. 16—25 июль кунлари ўзларига бириктирилган 3 та банкоматга нақд пулларни жойлаштириш вақтида жами 111 миллион сўмни ўзлаштиргани аниқланган.

Текширув давомида етказилган зарарнинг тўлиқ қопланиши таъминланган.

Қайд этилишича, мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.

Мавзуга доир:

• Қашқадарёда банк ходимлари 150 нафар фуқаронинг пенсия ва нафақа пулларини талон-торож қилгани аниқланди
• Сирдарёда ўзгалар номига 1,2 млрд сўм кредит расмийлаштирган собиқ банк ходимларига жиноят иши очилди