Қашқадарё вилоятининг Кўкдала туманида бўлиб ўтган ҳоким кубогида жанжал қилганларнинг икки нафари 15 суткага қамалди. Бу ҳақда «Дарё»га вилоят ИИБ ахборот хизмати раҳбари Жавлон Бахтиев хабар берди.
Маълум бўлишича, футболда жанжал қилганлар иши сайёр суд тартибида кўриб чиқилган.«Сайёр судда ‘Кўкдала’ МФЙ футболчиларининг икки нафарига Маъмурий жавобгарлик тўғрисидаги кодекснинг 183-моддасига (майда безорилик) асосан 15 сутка, ён ҳакамга эса базавий ҳисоблаш миқдорининг беш баравари (1,5 миллион сўм) миқдорида жарима жазоси белгиланди», — дейди Жавлон Бахтиев.
Эслатиб ўтамиз, аввалроқ Қамаши тумани ҳокимлиги Кўкдала тумани ҳокимлиги тарқатган ахборотни рад этиб, Қамаши туманидаги тўполон ДХХ кубоги пайтида содир бўлганини инкор қилганди.
Изоҳ (0)