Донбассда фронт чизиғидаги украин аскарлар, Донецкда асирга тушган чет элликлар устидан суд. Урушнинг 173-кунидан фоторепортаж
15 август куни ДХР судида Украина томонида туриб жанг қилган ва асирга тушган беш нафар чет элликка нисбатан айбловлар эълон қилинди. Уларнинг уч нафари ўлим жазосига ҳукм қилиниши мумкин. Россия назорати остидаги Запорожье вилояти ҳукумати вакиллари Запорожье АЭС атрофида осойишталик режимини эълон қилишни таклиф этди: томонлар бир-бирини уни ўққа тутишда айбламоқда. Белгород вилояти ҳокимияти маълум қилишича, чегарадан беш километрлик ҳудуддаги туманларда жойлашган мактаблар 1 сентябрдан масофавий таълим шаклига ўтади. Украина Олий радаси мамлакатда ҳарбий ҳолатни ва сафарбарликни яна 90 кунга — 2022 йил 21 ноябргача узайтирди. Meduza урушнинг 173-кунига оид асосий фотосуратлар билан бўлишди.
Харьков
Харьковлик аёл ити турар жойлар ўққа тутилганидан кейин ерларга сочилиб кетган шиша бўлаклари билан оёғини шикастлаб олмаслиги учун уни кўтариб олиб кетмоқда. Шаҳар мэри Игорь Терехов Россия ҳарбийлари 15 август куни эрталаб Салтовка туманига зарба берганини маълум қилди. Оқибатда олти киши жабрланган, харьковлик бир аёл касалхонада вафот этганФото: EPA
Днепропетровск вилояти
Эркак ўзининг Никополда вайрон бўлган хонадонида. Шаҳар ўққа тутилгани ҳақида 15 август куни Кривой Рог шаҳар ҳарбий маъмурияти бошлиғи Александр Вилкул маълум қилди: Никополга «Град» тизими орқали 20 та ракета учирилди, бунинг натижасида жабрланганлар йўқФото: AP Photo
Донбасс шимоли
Украина қуролли кучлари аскари Донецк вилояти фронт чизиғидаги окопда. Украина ҳукумати аъзолари август ўрталарида Россия армияси Донецк ва Луганск вилоятлари чегараси яқинида муваффақиятга эриша олмаслигини маълум қилганди. Лисичанск ва Северодонецк қўлга олинганидан кейин, россиялик ҳарбийлар Бахмут ва Шимол йўналишларида ҳужумни давом эттиришга уринди, аммо у ерда аҳамиятли муваффақиятларга эриша олмадиФото: AFP
Украина ҳарбийлари Донецк вилоятида фронт чизиғидаги позициялардаФото: AFP
Донецк
2022 йил майида россияпараст кучлар томонидан асирга олинган Буюк Британия фуқароси Жон Хардинг Донецкда суд мажлисига олиб кетилмоқда. BBC News хабарига кўра, Хардинг «Азов» полкига 2018 йилда келиб қўшилган ва унда парамедик бўлиб ишлаган. У «ҳарбий ҳаракатларда ёлланма аскар сифатида қатнашганликда ва ҳокимиятни зўравонлик билан эгаллаб олишни ўргатишда» айбланди. У ва урушда Украина томонида туриб жанг қилгани даъво қилинаётган яна икки чет эллик ўлим жазосига ҳукм қилиниши мумкинФото: Reuters
Жон Хардинг Донецкда суд мажлиси олдиданФото: Reuters
Хорватия фуқароси Векослав Преберг, британияликлар Дилан Хили ва Жон Хардинг, Швеция фуқароси Матиас Густавссон ва британиялик Эндрю Хилл Донецкдаги суд мажлиси чоғида. Густавссон, Преберг ва Хардинг «ҳарбий ҳаракатларда ёлланма аскар сифатида қатнашганликда ва ҳокимиятни зўравонлик билан эгаллаб олишни ўргатишда» айбланмоқда. Улар ўлим жазосига ҳукм қилиниши мумкин. Хилл ва Хилига тегишли равишда «ҳарбий ҳаракатларда ёлланма аскар сифатида қатнашиш» ва «ёлланма жангчиларни жалб қилиш» айбловлари қўйилди. ДХР Жиноят кодексига мувофиқ, Хилл етти йилгача, Хили эса саккиз йилгача озодликдан маҳрум қилиниши мумкинФото: Reuters
Изоҳ (0)