Donbassda front chizig‘idagi ukrain askarlar, Donetskda asirga tushgan chet elliklar ustidan sud. Urushning 173-kunidan fotoreportaj
15-avgust kuni DXR sudida Ukraina tomonida turib jang qilgan va asirga tushgan besh nafar chet ellikka nisbatan ayblovlar e’lon qilindi. Ularning uch nafari o‘lim jazosiga hukm qilinishi mumkin. Rossiya nazorati ostidagi Zaporojye viloyati hukumati vakillari Zaporojye AES atrofida osoyishtalik rejimini e’lon qilishni taklif etdi: tomonlar bir-birini uni o‘qqa tutishda ayblamoqda. Belgorod viloyati hokimiyati ma’lum qilishicha, chegaradan besh kilometrlik hududdagi tumanlarda joylashgan maktablar 1-sentabrdan masofaviy ta’lim shakliga o‘tadi. Ukraina Oliy radasi mamlakatda harbiy holatni va safarbarlikni yana 90 kunga — 2022-yil 21-noyabrgacha uzaytirdi. Meduza urushning 173-kuniga oid asosiy fotosuratlar bilan bo‘lishdi.
Xarkov
Xarkovlik ayol iti turar joylar o‘qqa tutilganidan keyin yerlarga sochilib ketgan shisha bo‘laklari bilan oyog‘ini shikastlab olmasligi uchun uni ko‘tarib olib ketmoqda. Shahar meri Igor Terexov Rossiya harbiylari 15-avgust kuni ertalab Saltovka tumaniga zarba berganini ma’lum qildi. Oqibatda olti kishi jabrlangan, xarkovlik bir ayol kasalxonada vafot etganFoto: EPA
Dnepropetrovsk viloyati
Erkak o‘zining Nikopolda vayron bo‘lgan xonadonida. Shahar o‘qqa tutilgani haqida 15-avgust kuni Krivoy Rog shahar harbiy ma’muriyati boshlig‘i Aleksandr Vilkul ma’lum qildi: Nikopolga “Grad” tizimi orqali 20 ta raketa uchirildi, buning natijasida jabrlanganlar yo‘qFoto: AP Photo
Donbass shimoli
Ukraina qurolli kuchlari askari Donetsk viloyati front chizig‘idagi okopda. Ukraina hukumati a’zolari avgust o‘rtalarida Rossiya armiyasi Donetsk va Lugansk viloyatlari chegarasi yaqinida muvaffaqiyatga erisha olmasligini ma’lum qilgandi. Lisichansk va Severodonetsk qo‘lga olinganidan keyin, rossiyalik harbiylar Baxmut va Shimol yo‘nalishlarida hujumni davom ettirishga urindi, ammo u yerda ahamiyatli muvaffaqiyatlarga erisha olmadiFoto: AFP
Ukraina harbiylari Donetsk viloyatida front chizig‘idagi pozitsiyalardaFoto: AFP
Donetsk
2022-yil mayida rossiyaparast kuchlar tomonidan asirga olingan Buyuk Britaniya fuqarosi Jon Xarding Donetskda sud majlisiga olib ketilmoqda. BBC News xabariga ko‘ra, Xarding “Azov” polkiga 2018-yilda kelib qo‘shilgan va unda paramedik bo‘lib ishlagan. U “harbiy harakatlarda yollanma askar sifatida qatnashganlikda va hokimiyatni zo‘ravonlik bilan egallab olishni o‘rgatishda” ayblandi. U va urushda Ukraina tomonida turib jang qilgani da’vo qilinayotgan yana ikki chet ellik o‘lim jazosiga hukm qilinishi mumkinFoto: Reuters
Jon Xarding Donetskda sud majlisi oldidanFoto: Reuters
Xorvatiya fuqarosi Vekoslav Preberg, britaniyaliklar Dilan Xili va Jon Xarding, Shvetsiya fuqarosi Matias Gustavsson va britaniyalik Endryu Xill Donetskdagi sud majlisi chog‘ida. Gustavsson, Preberg va Xarding “harbiy harakatlarda yollanma askar sifatida qatnashganlikda va hokimiyatni zo‘ravonlik bilan egallab olishni o‘rgatishda” ayblanmoqda. Ular o‘lim jazosiga hukm qilinishi mumkin. Xill va Xiliga tegishli ravishda “harbiy harakatlarda yollanma askar sifatida qatnashish” va “yollanma jangchilarni jalb qilish” ayblovlari qo‘yildi. DXR Jinoyat kodeksiga muvofiq, Xill yetti yilgacha, Xili esa sakkiz yilgacha ozodlikdan mahrum qilinishi mumkinFoto: Reuters
Izoh (0)