14 август куни россиялик ҳарбий мухбир Юрий Котёнок Украина ҳарбийлари Попасная шаҳрида Вагнер хусусий ҳарбий компанияси марраларидан бирига зарба берганини маълум қилди. Украина қуролли кучлари Херсондаги Антоновский кўпригига тунда берилган зарбадан кейин, у транспорт учун бутунлай яроқсиз ҳолатга келганини маълум қилди. Россия қўшинлари томонидан эгалланган Энергодар мери Запорожье АЭС яқинида жойлашган ушбу шаҳар яна ўққа тутилгани ҳақида гапириб берди. Черниговда одамлар зарбалар оқибатида қулаб тушган уйлар вайроналарини кўздан кечирмоқда. Луганск вилоятининг Рубежное шаҳрида 109 нафар тинч аҳолининг жасадлари эксгумация қилинди (суд-тиббий экспертиза учун гўрдан ковлаб олинди). Эвакуация эълон қилинган Краматорскда ҳамон тинч фуқаролар қолмоқда. Meduza урушнинг 172-кунига оид асосий фотосуратлар билан бўлишди.
Чернигов
Чернигов яқинидаги Новосёловка қишлоғи аҳолиси Россия бомбардимонлари оқибатида қулаб тушган уй вайроналарини тозаламоқда. 13 август куни Украина қуролли кучлари Бош штаби Донецк — Пески ва Новосёловка — Александрополь йўналишларида жанговар ҳаракатлар давом этаётганини маълум қилдиФото: AP Photo
12 ёшли Даник Рак Новосёловкада уй бўлакларини кўздан кечирмоқда. Уруш бошлангунига қадар қишлоқда мингга яқин одам яшаган. Аҳоли пункти зарбалардан кучли зарар кўрди, кўплаб уйлар вайрон бўлди. Новосёловка аҳолиси қишдан омон чиқиш учун уларни ўз кучи билан қайта тиклашга уринмоқдаФото: AP Photo
Новосёловка фуқароси Жанна Дунаева ўзининг вайрон бўлган уйидаФото: AP Photo
Запорожье
Оила узоқ давом этган айрилиқдан кейин Запорожьедаги қочқинлар лагерида қайта топишди. Шаҳар ҳамон Украина назорати остида қолмоқдаФото: Getty Images
Николаев
Николаев шаҳри фуқаролари ракета бўлакларини суратга туширмоқда. 14 август куни эрталаб Николаев вилояти давлат маъмурияти раҳбари Виталий Ким маълум қилишича, Николаев порти «Град» баравар ўт очиш реактив тизимидан ўққа тутилган, «Смерчь» тизими орқали эса шаҳарнинг турар жой даҳалари ва саноат объектларига зарбалар берилган. Бир нечта бинолар зарар кўрган, бир киши яраланганФото: EPA
Донбасс шимоли
Луганск вилоятидаги Рубежное шаҳрида тинч фуқаролар жасадларининг ковлаб олиниши. 12 август куни 109 кишининг жасади чиқариб олинган. ЛХР раҳбари маслаҳатчиси ва идоралараро ишчи гуруҳ раҳбари Анна Сорока сўзларига кўра, Рубежное, Северодонецк, Лисичанск ва Попаснаяда 1,5 мингта оммавий қабрлар бўлиши мумкинФото: Anadolu Agency
Рубежноеда ҳалок бўлган шахсларни эксгумация қилиш жараёни. Россия кучлари шаҳарни апрелдан буён назорат қилмоқда. 7 август куни улар 2022 йил март — апрелидаёқ ўлдирилган маҳаллий фуқароларни дафн қилишни бошлади. Биринчи куни улар 63 кишини дафн этди, деди Луганск вилояти раҳбари Сергей ГайдайФото: Anadolu Agency
Украиналик ҳарбий хизматчилар Краматорскда ойналари синган машинада. 14 август куни «Украинская Правда» нашри Украина қуролли кучлари Россия ҳужумини қайтарганини маълум қилди, бу, шу жумладан, Краматорск йўналишида амалга ошганФото: Reuters
Украиналик ҳарбий ва кекса аёл Краматорск яқинидаги супермаркетдан егулик сотиб олмоқда. Киев томонидан мажбурий эвакуация ва тинч аҳоли ҳаёти учун доимий хавф эълон қилинганига қарамай, Краматорскда нафақат ҳарбийлар, балки фуқаролар ҳам қолмоқдаФото: Reuters
Львов
Оёғидан айрилган украиналик аскар Юрий от минмоқда. «Қўл тафти» ташкилоти яраланган ҳарбий хизматчиларга иппотерапия (от миниш орқали реабилитация усули) курсидан ўтишга ёрдамлашадиФото: EPA
Изоҳ (0)