Сурхондарё вилояти Музработ туманида 3 нафар фолбин аёлга унинг боласи касал экани ва даволай олишини айтиб, пул ҳамда бошқа мулкларини олиб кетди. Бу ҳақда вилоят ички ишлар бошқармаси ахборот хизмати маълум қилди.
Туман ИИБ ҳузуридаги тергов бўлинмаси хабарига кўра, Қашқадарё вилоятида яшовчилар — С.С., О.Д. ва Андижон вилоятида яшовчи Ю.Б. 28 май куни Музработ туманининг «Файзобод» маҳалласида яшовчи К.I.нинг ишончига кирган.
Уни «Фарзандингиз оғир касал, даволаб берамиз», деб алдаган. 500 минг сўмлик Samsung J2 телефони, 2,5 миллион сўмлик бир жуфт тилла зираги ва 100 минг сўм пулини олиб кетган. 4 август куни фолбин аёлларга нисбатан Жиноят кодексининг 168-моддаси (фирибгарлик) 2-қисми «б» банди билан жиноят иши қўзғатилган.
Изоҳ (0)