Қўй гўшти ва карамдан тайёрланадиган сарма таоми рецепти

«Новий очаг» нашри навбатдаги хуштаъм ва иштаҳа очар таом рецепти билан бўлишди. Сарма таоми кечки овқат ҳамда байрам дастурхони учун айни муддао.

• суякли қўй гўшти — 1 килограмм;
• пиёз — 3 дона;
• карам — 1 дона.

• қўй гўшти қиймаси — 500 грамм;
• гуруч — 250 грамм;
• булғор қалампири — 250 грамм;
• пиёз — 2-3 дона;
• ўсимлик ёғи — 200 мл;
• томат пастаси — 100 мл.
• тимян, ялпиз, туз ва зираворлар.

• селдер — 2-3 дона;
• сабзи — 1 дона;
• саримсоқ — 3-4 дона;
• петрушка — 4-5 дона.

• Начинка учун пиёзнинг ярми, саримсоқ майда тўғралади, тимян ва ялпиз қўшилади, зираворлар билан биргаликда қўй гўшти қиймасига аралаштирилади.
• Карамнинг барглари эҳтиёткорлик билан ажратиб олинади.
• Идишда сув қайнатилади. Қайнаб чиққач карам барглари юмшагунча пиширилади.
• Пиёз паррак шаклда тўғралади, суякли гўшт (катта бўлакларга бўлинади), қизаргунча пиёз билан қовурилади.

• Кейин 3 литр сув қуйиб, қайнатиб олинади ва тахминан 30 дақиқа давомида қайнаш учун қолдирилади.
• Сарма тайёрлаш учун 2 ош қошиқ начинка карам барги устига қўйилади ва рулет шаклида ўралади.

• Алоҳида идишнинг пастки қисмига селдер, петрушка, майдаланган саримсоқ, сарма, қайнатилган гўшт терилади. Барча масаллиқлар тугагунча қатлам такрорланади.
• Сўнгра барча маҳсулот устидан бульон қуйилади. Таом қайнаб чиққач, тахминан бир соат давомида паст оловда пиширилади.
• Сарма тайёр бўлгач таъбга кўра кўкатлар билан безатиб, дастурхонга тортиш мумкин.

Ёқимли иштаҳа!