Футбол бўйича Италия А Сериясининг 2022/23 йилги мавсуми старт олди. 13 август куни 1-тур доирасидаги қатор учрашувлар бўлиб ўтди.
«Милан» ўз уйида «Удинезе»ни қабул қилди. Аввалига меҳмонлар 2-дақиқадаги тезкор гол билан олдинга ўтиб олди. Бунга миланликлар Тео Эрнандес ва Анте Ребичнинг голлари билан жавоб қайтарди. Биринчи бўлим якунланиши арафасида ҳисоб яна тенглашди.
Иккинчи бўлимда «Милан» футболчилари икки бор рақиб дарвозасига йўл топиб, ғалабани ўз томонига оғдирди.
«Интер» сафарда «Лечче» билан баҳс юритди. Учрашувнинг 2-дақиқасида Ромелу Лукаку ҳисобни очди. Иккинчи бўлим дебютида мезбонлар мувозанатни тиклади.
Ҳакам томонидан қўшиб берилган вақтнинг сўнгги лаҳзаларида Дензел Думфрис миланликларга ғалаба келтирган голга муаллифлик қилди.
А Серия
1-тур баҳслари
13 август, шанба
«Милан» – «Удинезе» 4:2
Голлар: 0:1 – 2 Родриго Бекао, 1:1 – 11, пенальти Эрнандес, 2:1 – 15 Ребич, 2:2 – 45 Мазина, 3:2 – 46 Браим Диас, 4:2 – 68 Ребич.«Милан»: Меньян, Калабрия, Томори, Калулу, Эрнандес, Крунич (Побега, 84), Беннасер, Ребич (Жиру, 72), Рафаэл Леау (Ориги, 84), Браҳим Диас (де Кетеларе, 71), Junior Мессиас (Салемакерс, 71).
«Удинезе»: Сильвестри, Соппи, Нюйтинк, Родриго Бекао, Перес (Эбосс, 67), Мазина (Эбоселе, 83), Перейра, Уолас (Ловрич, 76), Макенго (Самаржич, 76), Деулофеу, Саксесс (Бету, 67).
Огоҳлантирилар: Соппи (9), Крунич (34), Родриго Бекао (34), Перес (55), Эбоселе (90).
«Лечче» – «Интер» 1:2
Голлар: 0:1 – 2 Лукаку, 1:1 – 48 Сисей, 1:2 – 90+5 Думфрис.«Лечче»: Фальконе, Жандре, Баскиротто, Четин (Блен, 21), Галло, Бистрович (Листковски, 74), Юлманд, Гонсалес (Ҳелгасон, 74), Ди Франческо (Банда, 74), Сисей (Коломбо, 64), Эспето.
«Интер»: Ҳанданович, Дармиан (Думфрис, 67), де Врей, Шкриньяр (Корреа, 88), Димарко, Гозенс (Бастони, 57), Брозович (Мхитарян, 57), Чалхонўғлу (Жеко, 67), Барелла, Лукаку, Мартинес.
Огоҳлантиришлар: Баскиротто (32), Брозович (55), Дармиан (63), Блен (82), Коломбо (87).
Изоҳ (0)