АПЛ. «Манчестер Юнайтед» меҳмонда ўз дарвозасидан 4 та тўп олиб чиқди ва сўнгги ўринга тушиб кетди
Футбол бўйича Англия Премьер Лигасининг 2-турида «Манчестер Юнайтед» 13 август, шанба куни «Брентфорд» меҳмони бўлди.
Дастлабки бўлимда майдон эгалари «қизил иблислар» дарвозасини жавобсиз тўрт бор ишғол қилди. Жош Дасилва, Матиас Йенсен, Бен Ми ва Брайан Мбемо ўз ҳисобига гол ёздириб қўйди.
Иккинчи бўлимда ҳисоб ўзгармади ва «Манчестер Юнайтед» мавсумни кетма-кет иккита мағлубият билан бошлади.
1-турда Эрик тен Ҳаг шогирдлари «Брайтон»га ютқазиб қўйганди. Жамоанинг кейинги ўйини 23 август куни «Ливерпуль»га қарши бўлади.
АПЛ
2-тур баҳси
13 август, шанба
«Брентфорд» — «Манчестер Юнайтед» 4:0
Голлар: 1:0 – 10 Дасилва, 2:0 – 18 Йенсен, 3:0 – 30 Ми, 4:0 – 35 Мбемо.«Брентфорд»: Райя, Хики (Соренсен, 80), Ми, Янссон, Роэрслев, Генри, Нергор (Онека, 80), Йенсен (Баптист, 74), Тоуни, Дасилва (Янелт, 62), Мбемо (Висса, 73).
«Манчестер Юнайтед»: Де Хеа, Диогу Далот, Магуайр, Мартинес (Варан, 46), Шоу (Маласиа, 46), Эриксен (ван де Бек, 87), Фред (Мактоминей, 46), Бруну Фернандеш, Роналду, Рэшфорд, Санчо (Эланга, 60).
Огоҳлантиришлар: Магуайр (16), Мактоминей (82), Рэшфорд (89), Бруну Фернандеш (90).
