Шавкат Мирзиёев Тошкент вилоятининг Бекобод шаҳрида металлургия тармоғи ходимлари ва тадбиркорлар билан учрашув ўтказмоқда, деб хабар бермоқда «Дарё» мухбири.
Давлат раҳбарининг айтишича, сўнгги беш йилда жаҳон бозорида металлга бўлган талаб ошгани боис, унинг нархлари 1,3 баробарга ўсган.
«Бундан ташқари, бугунги мураккаб вазиятда етказиб бериш занжирлари узилиши, йирик хорижий металлургия корхоналари фаолиятидаги қийинчиликларни ҳам, кўриб турибмиз. Бу ҳолатлар, қурилиш ва ишлаб чиқариш таннархига, тармоқларимиз рақобат-бардошлигига салбий таъсир кўрсатаётгани ҳам, айни ҳақиқат», — дейди президент.
Шавкат Мирзиёевнинг айтишича, металлга бўлган харажатлар улуши уй-жой қурилиши таннархида – 15 фоизни, машинасозликда – 40 фоизни ташкил қилади.
«Бундан фақат битта хулоса – биз олдимизга қўйган катта мақсадларга фақат ва фақат металлургия саноатини жадал ривожлантириш орқали эришишимиз мумкин», — дея қўшимча қилди давлат раҳбари.
Изоҳ (0)