Shavkat Mirziyoyev Toshkent viloyatining Bekobod shahrida metallurgiya tarmog‘i xodimlari va tadbirkorlar bilan uchrashuv o‘tkazmoqda, deb xabar bermoqda “Daryo” muxbiri.
Davlat rahbarining aytishicha, so‘nggi besh yilda jahon bozorida metallga bo‘lgan talab oshgani bois, uning narxlari 1,3 barobarga o‘sgan.
“Bundan tashqari, bugungi murakkab vaziyatda yetkazib berish zanjirlari uzilishi, yirik xorijiy metallurgiya korxonalari faoliyatidagi qiyinchiliklarni ham, ko‘rib turibmiz. Bu holatlar, qurilish va ishlab chiqarish tannarxiga, tarmoqlarimiz raqobat-bardoshligiga salbiy ta’sir ko‘rsatayotgani ham, ayni haqiqat”, — deydi prezident.
Shavkat Mirziyoyevning aytishicha, metallga bo‘lgan xarajatlar ulushi uy-joy qurilishi tannarxida – 15 foizni, mashinasozlikda – 40 foizni tashkil qiladi.
“Bundan faqat bitta xulosa – biz oldimizga qo‘ygan katta maqsadlarga faqat va faqat metallurgiya sanoatini jadal rivojlantirish orqali erishishimiz mumkin”, — deya qo‘shimcha qildi davlat rahbari.
Izoh (0)