Ўзбекистонда 2022 йил 1 август ҳолатига кўра, 565 982 та корхона ва ташкилотлар фаолият юритмоқда. Бу ҳақда Давлат статистика қўмитаси хабар бермоқда.
Қайд этлишича, корхона ва ташкилотлар сони 2021 йилнинг мос даври билан солиштирганда 45,6 мингтага кўпайган.
Бунда асосий ўсиш қуйидаги соҳаларда кузатилган:
- савдо — 150 306 тадан 172 850 тага (ўсиш 22 544 та);
- саноат — 90 638 тадан 94 909 тага (ўсиш 4 271 та);
- қишлоқ, ўрмон ва балиқчилик хўжалигида — 46 307 тадан 50 997 тага (ўсиш 4 690 та).
2022 йил январь—июль ойида янги ташкил этилган корхона ва ташкилотлар сони 2021 йилнинг мос даври билан солиштирилганда 3 798 тага камлигини кўриш мумкин.
Жорий йилнинг илк етти ойида 57 814 та янги компаниялар ташкил қилинган. Ҳудудлар кесимида Хоразм, Самарқанд, Жиззах ва андижон вилоятларида ўсиш кузатилди.
Изоҳ (0)