Европа Иттифоқи (ЕИ) 2023 йил бошидан тўлиқ кучга кирадиган Россия нефтига эмбарго қўйганидан сўнг, 2022 йил июнь ойида майга нисбатан мамлакатдан хом нефть ва нефть маҳсулотлари импортини оширди. Бу ҳақда «РБК» хабар бермоқда.
Евростатнинг дастлабки маълумотларига кўра, ЕИ мамлакатлари Россиядан июнь ойида май ойига нисбатан 0,4 фоизга кўп (тахминан 7,3 млн тонна) хом нефть импорт қилган.
Россиядан нефть маҳсулотлари импорти июнь ойида ўтган ойга нисбатан 9,7 фоизга ошиб, 2,65 млн тоннани ташкил этган.
Евростат маълумотларига кўра, июнь ойида Россия нефть ва нефть маҳсулотларининг ЕИ мамлакатларига умумий импорти май ойига нисбатан 2,7 фоизга ўсган.
2022 йил июнь ойида Россиядан ЕИ мамлакатларига нефть импорти ўтган йилнинг июнига нисбатан 7 фоизга, нефть маҳсулотлари импорти эса 24 фоизга кам бўлган.
Маблағ жиҳатидан, жаҳон нархларининг юқорилиги туфайли Россия экспортчилари июнь ойида нефть ва нефть маҳсулотларини ЕИга сотишдан май ёки апрель ойларига қараганда 7,23 млрд евродан ортиқ даромад олди.
Германия ва Италия Россиядан нефть ва нефть маҳсулотлари импортини сезиларли даражада оширди.
Германия июнь ойида Россия хом ашёсини май ойига нисбатан 12 фоизга, Италия эса худди шу ойга деярли 20 фоизга кўпайтирди.
Аввалроқ АҚШ Германияга биринчи марта олтингугуртли нефть етказиб бергани ҳақида хабар берилганди.
Изоҳ (0)