Шимолий-ғарбий Европа қишни тарихий даражадаги кам миқдордаги дизель ёқилғиси билан бошлайди. Бу ҳақда Bloomberg хабар бермоқда.
Дизель Европа учун жуда муҳим бўлиб, ёнилғининг бу тури иқтисодиётнинг катта қисмини қувватлантиради.
Wood Mackenziye компанияси маълумотларига кўра, минтақада йўл дизели, иситиш мойи ва бошқа дизель ёнилғиси захиралари жорий йилнинг ноябрь ойида 2011 йил бошидан бери энг паст даражага қисқаради.
Дизель Европада енгил ва юк машиналари учун жуда муҳим ҳисобланади. Қитъада ундан фойдаланиш молиявий жиҳатдан анча қулай ҳисобланади.
Бундан ташқари ушбу ёнилғи кемалар томонидан ҳам фойдаланилиб, қурилиш ва ишлаб чиқариш тармоқларида ишлатилади.
Insights Global маълумотларига кўра, Амстердам—Роттердам—Антверпен нефть савдо марказидаги мустақил омборлардаги захиралар камида 2008 йилдан бери энг паст даражада.
Европада тизимли равишда дизель ёнилғиси етишмайди, мунтазам равишда чет элдан юклар олиб келинади.
Бу табиий танқислик келгуси йилнинг бошида, Европа Иттифоқининг Россиядан денгиз орқали импорт қилинишини тақиқлаши ортидан жиддий муаммога айланиши мумкин.
Бу Россиянинг Украинага бостириб кириши ортидан қитъани қамраб олган, табиий газ ва электр энергияси нархларининг кўтарилишига олиб келган ва инфляцияни кучайтирган кенгроқ энергия инқирозининг фақат бир қисмидир.
Изоҳ (0)