11 август куни Европада электр энергияси нархлари янги рекорд даражага кўтарилди. Бу ҳақда Bloomberg хабар бермоқда.
Европа қиш учун газ заҳираларини тўлдиришга ҳаракат қилаётган бир пайтда, Россия етказиб беришни қисқартирди.
Ядро реакторларида ишлаб чиқаришнинг пасайиши, шунингдек, шамол ва гидроэнергетиканинг қуввати пастлиги сабаб ҳам энергияга бўлган талаб тўлиқ қондирилмаяпти.
Европа энергия биржасида Германиянинг келаси йилдаги бенчмарк қуввати 4,5 фоизга ошиб, рекорд даражадаги мегаватт/соатига 446 еврога етди. Франция шартномаси эса 4,4 фоизга ошди ва биринчи марта 600 еврога етди.
Бу ёздаги жазирама тўлқинлар энергияга бўлган талабни кучайтирди, шу билан бирга таъминотдаги узилишларга сабаб бўлди.
Шунингдек, гидроэнергетика, атом станцияларини совутиш ва энергия маҳсулотларини ташиш учун фойдаланиладиган асосий сув йўллари қуриб қолди.
Европа бўйлаб рекорд даражадаги кам ядровий энергия ишлаб чиқариш ва паст гидро резервуарлар таъминот танқислигини юзага келтиради, буни фақат кўмир ва газ каби манбалар билан қоплаш мумкин, — дейди Bloomberg Intelligence таҳлилчиси Патрисио Альварес.
Унга кўра, бу Россиядан етказиб бериш камайиб бораётган бир пайтда газ талабининг барқарорлигини оширади.
Аввалроқ Европадаги энергия инқирози фонида озиқ-овқат нархлари кескин кўтарилиб бораётгани ҳақида хабар берилганди.
Изоҳ (0)