«Унга нисбатан ноҳақлик қилдим». Азиз Раметов санъатдаги яқин дўсти Шоҳруххонни ранжитгани ҳамда киноларда кўринмай қолгани сабаби ҳақида (видео)
Актёр, режиссёр Азиз Раметов «Севимли» телеканалининг «Машҳурлар» кўрсатувига берган интервьюсида санъатни тарк этган ҳамкасбларига муносабати, нима сабабдан киноларда кўринмай қолгани, Шоҳруххоннинг уйида етти йил Янги йил байрамини кутгани, хонандани ранжитгани, ҳаётда нимадан қўрқиши ҳақида гапирди.
Азиз Раметов санъатни тарк этган ҳамкасблари ҳақида
«Руҳий ҳолатига тўғри келган ишни улар афзал билишди. Аммо биз бу кемага чиқдикми, денгизда бирга сузяпмиз. Менинг ҳам кинодан кетиш ниятим йўқ эмас. Шу гапни ўзимга айтганимда кино худди менга сен ҳали кинога кирдингми дегандек бўлди.
Хаёлан кино билан суҳбат қураман. Кино, мен сендан кетаман деганимда, сен ўзи кинога кирдингми, Азиз нима қилдинг ўзи деган садо келди. Хўп, у ҳозирги кундаги вайн эди, кино эмас. Бугун бор, эртага йўқ. Киноактёрлар охирги нафасигача кино оламида ўзини тўғри йўналишда олиб кетади.
Тўғри йўналиш деганимда ҳамма ўзига керакли нарсани тушунади. Шунинг учун ҳам катта кино оламига кирганлар кета олмайди. Катта кино деганимни томошабинларнинг ўзи тушунади. Катта кино олами бу ҳаёт, қайси образда кўринсанг ҳам сен актёр бўлиб қоласан.
Бугун бошингга ‘кепка’ кийиб чиқсанг ҳам, эртага белингга белбоғ боғлаб чиқсанг ҳам актёрсан, очиғини айтганда сен ораторсан, бастакорсан, ҳофизсан. Шунинг учун бу катта майдонда мен кетдим деган сўзни ишлатиш ноўрин», — дейди актёр.
Актёр нима сабабдан киноларда кўриниш бермаяпти?
«Бу вақт давомида кўпроқ киноларга эътибор бердим, сабаби кинода бир ярим соатда тушунтирадиган гапимизни бир ярим дақиқада тушунтириш мумкин экан. Устозларимиздан бу нарсани эшитдик, ўргандик, уларга раҳмат дейман. Шунинг учун менинг гапим шу, ўтириб гапи бошқа, амали бошқа дейишлари мумкин. Илоҳим амалгача етиб борай, бугун шу гапни айтаяпманми, албатта, амалгача бораман. Кинолардан кўра клипларни афзал билиб қолдим», — дейди Азиз Раметов.
Санъатдаги яқин дўсти — Шоҳруххонни ранжитгани ҳақида
«Иккита яқин дўстимни йўқотганман. Жуда қалин дўстларим бўлган. Иккаласига ҳам мен ноҳақлик қилганман. Биринчиси хонанда Шоҳруххон, у ҳам дўстим, акам, улфатим, қадрдоним, унга ҳам ноҳақлик қилганман. Ўшанда ҳам мени кечирган, у жуда ҳам мард инсон.
Иккинчиси Шероз, унга ҳам ноҳақлик қилганман. Ҳаёт шунча кўзимни очса ҳам, қайта-қайта шу ишни қилганман ва уларнинг дилини оғритганман. Мен бу орқали кечирим сўрамоқчи эмасман, лекин узр сўрасам ҳам, бари-бир дили озор чекиб бўлган, уни ортга қайтариб бўлмайди. Ҳар куни Аллоҳдан сўрайман, қандайдир амал берса ва уларнинг қалбига йўл топиб яна ўша илиқлик, ишонч қайтишини истайман. Бу дунёда дўстдан келган озор ёмон бўлади ва дўстлик муҳаббати кучли нарса.
Мен Шоҳруххоннинг уйида етти йил Янги йил байрамини кутганман. Дўстларимдан, устозларимдан кечирим сўрайман, бошқа бу ишни қайтармайман», — дейди актёр.
Азиз Раметов ҳаётда нимадан қўрқади?
«Душманим менга дўст бўлишидан қўрқаман. Душман дўст бўлса, сизнинг ҳаётингиз тўхтайди. Душман душман бўлиб қолиши керак, шунда сиз олдинга юра оласиз, дўст ҳам дўстлигича қолсин. Душман дўстга айланмасин. У бари-бир ичингизга кириб сизни еб бошлайди. У билан ўйин бўлаверади, сизни кечирмайди», — дейди Азиз Раметов.
Мавзуга доир:
- «Дадам аёлини онаси деб ўйлаяпти» — Азиз Раметов отасининг Альцгеймер касаллигига чалингани ва хотирасини йўқотаётгани ҳақида.
- Instagram: Baby Mohi турмуш қурди, «Дизайн»чи актёр уйланди, Алфия кампир машинасини сотяпти, қамалиб чиққан Азиз Раметов.
- 73 ёшида уйланган Убайдулла Омондан Азиз Раметовгача. Ўзбек шоу-бизнесида муҳокамаларга сабаб бўлган тўйлар (фото, видео).
- «Совчи келганида истиҳора намозини ўқиганман». Азиз Раметовнинг рафиқаси актёр билан қандай танишгани ҳақида сўзлаб берди (видео).
