Голливуд актёри Эштон Катчер National Geographic телеканалининг «Беар Гриллс билан ёввойи табиатда: чақириқ» шоусида меҳмон бўлди. Суҳбат чоғида актёр кам учрайдиган аутоиммун касаллик билан икки йилдан бери курашаётгани ҳақда илк бор гапирди. Актёрга васкулит (қон томирларининг яллиғланишини келтириб чиқарадиган касаллик) ташхиси қўйилган, деб ёзади «Lisa.ru».
«Икки йил олдин менда кўриш, эшитишдан маҳрум қилган ва бутун осойишталигимни бузиб юборган васкулитнинг ғалати, жуда кам учрайдиган шакли кузатилди. Буларнинг барчасини тиклаш учун менга бир йил керак бўлди», — деди Катчер.
Эштон, шунингдек, касаллик нафақат унинг соғлиғига, балки дунёқарашига ҳам таъсир қилганини айтиб ўтди.
«Токи яна атрофни кўра оламанми, одамларни эшита оламанми, яна оёқларим билан юриш насиб қиладими, деган хаёл келмагунча, буларнинг ҳаммаси бошга тушмагунча, соғлиқнинг қадрига етмас эканмиз. Тирик қолганимдан жуда ҳам хурсандман», — дейди актёр.
Эштон Катчер рафиқаси Мила Куниснинг қўллаб-қувватлаши туфайли тузалишига, қайта оёққа тура олишига ишончини йўқотмади. Жуфтлик 2015 йилда турмуш қурган. Ҳозирда улар икки нафар фарзанди — қизи Уаятт ва ўғли Дмитрийни тарбияламоқда.
Мавзуга доир:
- Тақдир синови: турмуш ўртоғи томонидан хиёнатга учраган Голливуднинг машҳур аёллари (фото)
- Леди Гага ва Бредли Купер, Роберт Паттинсон ҳамда Кристин Стюарт. Омма эътиборини тортиш учун ўзларини севишганлардек тутган Голливуд юлдузлари (фото)
- Бир фильмда суратга тушгандан сўнг муносабатларига чек қўйган юлдузли жуфтликлар (фото)
Изоҳ (0)