Азиз Ражабий тўнғич фарзанди АҚШга кетгани ҳамда Java’нинг «Дунё сенинг тоғангмас» таронасига муносабати ҳақида (видео)

Хонанда Азиз Ражабий MY5 телеканалининг «Омон-омон» кўрсатувига берган интервьюсида нечта фарзанди борлиги, тоғасининг қизига уйлангани, пиарга муносабати, Java’нинг «Дунё сенинг тоғангмас» таронасига фикри ва у билан дуэт куйлаш таклифи ҳақида гапирди.

Азиз Ражабий нечта фарзанди борлиги ва еттита фарзанди бўлишини истагани ҳақида

«Ҳозир тўрт нафар фарзандим бор, тўнғич фарзандим АҚШга кетган, ўша ерда ўқийди. Мен еттита фарзандим бўлишини истаганман. Аёлнинг физиологик ҳолатига қараш керак экан», — дейди хонанда.

Ўзига тоғасининг қизини муносиб кўрган хонанда

«Тоғамнинг қизига уйланганман. Унга муносиб номзод қидириб юрардим, бир қанча дўстларимни номзод сифатида ўйлаб юрганман. Ким унга мос келаркан деганман, ўзимга насиб қилган экан», — дейди Азиз Ражабий.

Хонанда пиарга қандай муносабатда?

«Пиар ёлғондан уюштирилган нарса. Умуман олиб қараганда, бу ҳам бир йўналиш. Менда пиар қилиш ҳолати бўлмаган. Бироқ шунинг ортидан юриб нима қилсам экан, деб ўйлаб юрадиганлар бор. Масалан, Россияда ва Европада шу орқали танилишади, пиар-менежерлар бўлади. Шуни ўйлаб сценарий тузади, аниқ бу натижага олиб чиқамиз дейди. Ижтимоий тармоқларда, ҳамма ерда овоза қилади», — дейди хонанда.

Java’нинг «Дунё сенинг тоғангмас» таронасига муносабати

«Менга Java’нинг мусиқаси ёқди, сўзида маъно бор. Майли, юзини ўрагандир. Сўзлари ҳақиқатан ҳам тўғри. У ўзининг ичидагини бошқача услубда куйлади, маъносини чақсангиз, гаплари тўғри. Унинг ўрангани ҳам балки пиардир, билмадим. Бу иш қанчалик тўғри эканини билмайман, мен эса бу ишни қилмас эдим. Уни ҳамма кўрди, агар шунақа қилмаганда, балки унча ёдда ҳам қолмас эди. Агар менинг ўғлим шу ишни қилса, ўғлим нима қиляпсан, еч матони, нимага ўраб олдинг, дердим. Биринчи кўрганимда билганман, ўзига жалб қилиш учун шу ишни қилган. Қаердадир мусиқасини эшитдим, кейин билдим», — дейди Азиз Ражабий.

Азиз Ражабий Java билан дуэт куйлайдими?

«Унинг йўналиши бошқа, агар худди шунақа чиқаман деса, дуэт куйламайман. У қачонгача бу образда юради? Тўйга ҳам шунақа ҳолатда борибди. Бундай нарсалар кўпга бормайди», — дейди хонанда.

Мавзуга доир: Instagram: Мурод Хонтўраевнинг рафиқаси унинг сўнгги истагини амалга оширди, Азиз Ражабий қизини узатди, Наргиза Абдуллаеванинг устозига сюрпризи.