Фақатгина жиддий нефть таъминоти инқирози юзага келган тақдирда, Саудия Арабистони ва Бирлашган Араб Амирликлари (БАА) нефть қазиб олиш ҳажмини ошириши мумкин. Бу Reuters хабар берди.
Украинадаги уруш фонида Россия ва Ғарб ўртасидаги сиёсий ва иқтисодий қарама-қаршилик туфайли инқироз жорий қишдаёқ юзага келиши мумкин.
«Учта манба таъминот инқирози чуқурлашган тақдирдагина, Саудия Арабистони ва БАА ишлаб чиқариш ҳажмини сезиларли даражада ошириши мумкинлигини айтди», — деди агентлик.
Саудия Арабистони, БАА ва бошқа ОПЕК аъзолари кунига 2-2,7 миллион баррель нефтни эркин ишлаб чиқариш қувватига эга.
Бироқ ҳозирги шароитда мамлакатлар ишлаб чиқариш ҳажмини кўпайтириш ниятида эмас.
Аввалроқ Саудия Арабистони Осиё учун нефть нархини рекорд даражада оширгани ҳақида хабар берилганди.
Изоҳ (0)