Жаҳон бозорида нефть нархи деярли 6 ойлик энг паст даражага тушганидан сўнг қайта тикланмоқда. Бу ҳақда Reuters хабар бермоқда.
Brent нефтининг фьючерслари 0,4 фоизга ошиб, бир баррели учун 97,20 долларни, West Texas Intermediate нефтининг фьючерслари охирги марта 0,5 фоизга ошиб, 91,15 долларни ташкил қилди.
Таъкидланишича, ҳар иккала кўрсаткич ҳам АҚШ маълумотлари ўтган ҳафтада хом нефть ва бензин захиралари кутилмаганда ўсганини кўрсатганидан сўнг, февраль ойидан бери энг паст даражага тушиб кетган.
Шунингдек, ОПЕК+ нефть қазиб олиш мақсадини кунига 100 минг баррелга оширишга рози бўлгани ҳам нарх тушишига ўз ҳиссасини қўшди, бу глобал нефть талабининг тахминан 0,1 фоизини ташкил қилади.
Аввалроқ нефть гигантлари апрель—июнь ойларида рекорд даражадаги 46 млрд доллар фойда кўргани ҳақида хабар берилганди.
Изоҳ (0)