Фарғона вилояти Олтиариқ туманида назоратсиз юрган 11 нафар вояга етмаган бола аниқланиб, вояга етмаганларга ижтимоий-ҳуқуқий ёрдам кўрсатиш марказига жойлаштирилди. Бу ҳақда вилоят ички ишлар бошқармаси ахборот хизмати хабар берди.
Таъкидланишича, вилоят бўйлаб ҳамкор ташкилотлар билан биргаликда жиноят ва ҳуқуқбузарликларнинг олдини олишга қаратилган долзарб 40 кунлик тадбирлари доирасида Олтиариқ туманида ҳам кундузги ва тунги профилактик тадбирлари амалга оширилмоқда.
Туман ҳудудида фаолият юритаётган кўнгилочар, кўча ва жамоат жойларида олиб борилган рейд тадбирлари давомида назоратсиз юрган 11 нафар вояга етмаганлар аниқланиб, улар томонидан келгусида жиноят ва ҳуқуқбузарликлар содир этилишининг олдини олиш мақсадида вояга етмаганларга ижтимоий-ҳуқуқий ёрдам кўрсатиш марказига жойлаштирилди. Тадбирлар жойларда давом этмоқда.
Изоҳ (0)