Андижонда 280 млн сўм кредит маблағи ва гаровдаги экскаваторни ўзлаштирган шахслар ушланди

Асака ва Марҳамат туманларида кредит маблағини ва гаровдаги мулкни ўзлаштирган фирибгарлар аниқланди.

Бош прокуратура ҳузуридаги департаментнинг Асака туман бўлими томонидан банк филиалининг мурожаатига асосан ўтказилган терговга қадар текширувда, «Т.Ш.» МЧЖ раҳбари И.М. ва бошқалар расмий ҳужжатларга сохта маълумотлар киритиш орқали туман ҳудудидаги токзорни қайта реконструкция қилиш учун ажратилган 280 млн сўм кредит маблағини ўзлаштириш йўли билан талон-торож қилганликлари аниқланган.

Шу каби, департаментнинг Марҳамат туман бўлими томонидан ўтказилган терговга қадар текширувда, фуқаро Н.А. «А.А.» деҳқон хўжалигига тегишли кредит эвазига гаровга қўйилган EW 140S русумли экскаваторни 50 000 АҚШ долларига сотиб, ўзининг шахсий эҳтиёжи учун сарфлаб юборгани аниқланган.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.