Фарғона вилояти Қўқон шаҳрида 21 июль куни фуқаронинг Nexia автомобилида гашиш гиёҳвандлик моддаси борлиги маълум бўлди. Бу ҳақда вилоят ИИБ ахборот хизмати хабар берди.
Қайд этилишича, шаҳар ИИБ ТЕҚКБ ходимлари томонидан ўтказилган тезкор тадбир давомида Фаробий кўчасида С.Ў.нинг Nexia автомашинаси холислар иштирокида кўздан кечирилган. Унда фуқаро гашиш гиёҳвандлик моддасини сақлаб келаётгани аниқланиб, далилий ашё тариқасида олинган.
Мазкур ҳолат юзасидан Қўқон шаҳри ИИБ ҳузуридаги тергов бўлими томонидан жиноят кодексининг 276-моддаси 1-қисми билан жиноят иши қўзғатилиб, ҳозирда тергов ҳаракатлари олиб борилмоқда.
Эслатиб ўтамиз, Жиноят кодексининг 276-моддаси 1-қисмида кўрсатилган жиноятни содир этган шахс 3 йилгача озодликдан маҳрум қилиш билан жазоланиши мумкин.
Изоҳ (0)