Алина Кабаеванинг синглиси банкрот деб эълон қилинди — у кредиторлардан 23 минг доллардан ортиқ қарз бўлган 

Татаристон Республикаси арбитраж суди Алина Кабаеванинг амакиваччаси Лейсан Кабаевани банкрот деб топди.

Кабаеванинг ўзи банкротлик тўғрисида ариза берган. Иш материалларидан маълум бўлишича, унинг кредиторлар олдидаги қарзи 1,43 миллион рублни (23,7 минг доллар) ташкил этган. Қарзни ўзи тўлай олмаган, Алина эса унга моддий ёрдам бермаган.

Суд қарорида Лейсан Кабаеванинг таржимаи ҳоли ҳақида яна бир нечта қизиқ тафсилотлар мавжуд. У турмушга чиқмаган, фарзандлари йўқ. Шунингдек, Кабаева якка тартибдаги тадбиркор эмас, қимматли қоғозлар ва мол-мулк билан битим тузмаган, юридик шахсларнинг устав капиталида ҳам улушга эга эмас. Ҳозир у «Арский ғишт заводи» АЖда ишлайди.

Суд Кабаевани банкрот деб топди, унинг мулки сотилади.

Алина Кабаэванинг туғишган синглиси ҳам бор, унинг исми ҳам Лейсан. Турмушга чиққан, фарзанди бор. У бизнес билан шуғулланади, «Reserve-М» компанияси раҳбари. Ушбу компания «Кунцево» спорт-соғломлаштириш мажмуасига эгалик қилади, уни Алинанинг онаси Любов Кабаэва бошқаради.