Францияда 1961 йилдан бери илк бор рекорд даражадаги қурғоқчилик кузатилиб, экинларни нобуд қилмоқда

Июль ойида Франция рекорд даражадаги қурғоқчиликни бошдан кечирди. Бу ҳақда Bloomberg хабар бермоқда.

Жазирама Европа бўйлаб тарқалиб, асосий экинларга зўриқиш келтирди.

Синоптик Meteo France’га кўра, мамлакат бўйлаб ўртача ёғингарчилик миқдори 8,1 миллиметрни ташкил этган. Бу 1961 йил мартидан бери энг қуруқ ой ҳисобланади.

Бриттани, Аувергне ва Корсикада ёғингарчилик миқдори меъёрдан камида 95 фоиз кам эди.

Жазирама ҳарорат ва қуруқлик Франциянинг ғарбий қирғоғидаги ўрмон ёнғинларига сабаб бўлди ва мамлакат деҳқон хўжаликларига зарба бериб, маккажўхори далаларининг асосий гуллаш даврига тўсқинлик қилди.

Франция бу ҳафта янги иссиқлик тўлқинига дуч келмоқда, мамлакат жанубида ҳарорат тахминан 40 даража Цельсийгача кўтарилиши кутилмоқда.

Англияда 1935 йилдан бери энг қуруқ июль ойи бўлди, рекорд ҳароратлар Лондон яқинида ёнғинларни келтириб чиқарди, темир йўл ва рейсларни бекор қилди ва электр станцияларини ҳаддан ташқари иссиқликнинг олдини олиш учун иш графигини ўзгартиришга мажбур қилди.

Аввалроқ Францияда аномал иссиқлик сабаб АЭС реакторларини совитиш имкони бўлмаётгани ҳақида хабар берилганди.