АҚШ мамлакат Конгресси Вакиллар палатаси спикери Нэнси Пелосининг Тайванга ташрифи атрофида юзага келган шов-шув орқали жамоатчилик диққатини ички муаммолардан ва Украинадаги вазиятдан чалғитмоқчи. Бу ҳақда Россия Ташқи ишлар вазирлиги расмий вакили Мария Захарова айтиб ўтди, деб ёзади «РБК».
«Бу АҚШнинг ўзи Украина атрофида ўз қўллари билан яратган мутлақ ҳалокат, бу борада Европа йўналишидаги барча нарсанинг муваффақиятсизликка учраши… Боши берк кўчага кириб қолиш билан боғлиқ вазият ахборот парадигмасини кескин ўзгартиришни талаб қилди, Пелоси эса шуни амалга оширди», — деди дипломат.
Унинг сўзларига кўра, бўлаётган воқеалар Америка маъмурияти бошқа мамлакатлар билан ҳисоблашмаслигини тасдиқлайди. Вашингтон ўз обрўсининг қолдиқларини қурбон қилиб, спикернинг ташрифини уюштирди, дея қўшиб қўйди Захарова.
«Лаҳзалик фойда учун, оний конъюнктура учун, кўкларга кўтариб мақталган мана шу ички ва ташқи пиар учун улар ҳамма нарсани, шу жумладан ўз обрўсининг қолдиқларини қурбон қилишга тайёр… Бу ёввойиларча акция ҳозир нима учун керак бўлиб қолди? Буни сиёсий конъюнктура талаб қилади», — деди дипломат.
2 август куни Тайванга АҚШ вакиллар палатаси спикери Нэнси Пелоси Осиё турнеси доирасида етиб келди; ташриф Хитой раҳбарияти томонидан кескин танқидга сабаб бўлди, уни провокация деб аташди. Оқ уй эса Пелосининг ташрифи АҚШнинг Хитойга нисбатан сиёсатида қандайдир ўзгариш бўлганини англатмаслигига ишонтирди.
Изоҳ (0)