Витаминларга бой, турли хил сабзавотлар ва сосискадан тайёрланадиган ушбу таом мазали таъмга эга. Унга ўзингиз ёқтирган кўкатларни қўшишингиз мумкин.
Керакли масаллиқлар:
- пиёз — 2 дона
- булғор қалампири — 3 дона
- сосиска — 420 г
- зайтун мойи — 1 қошиқ
- сариёғ — 1 қошиқ
- туз — таъбга кўра
- сув — 120 мл
- асал — 1 қошиқ
- майдаланган қизил қалампир — 1 қошиқнинг 4 дан 1 қисми
- мурч — таъбга кўра
- помидор — ўз қайласида аралаштирилганидан 450 г
- кўк пиёз — 3-4 боғ
- Пиёзни тозаланг ва майда қилиб тўғранг. Булғор қалампирини думалоқ шаклда кесиб олинг. Сосискаларни ҳам думалоқ шакли бўйича бўлакларга ажратинг. Таом ёрқинроқ кўриниши учун турли рангдаги булғори қалампиридан фойдаланинг.
- Зайтун мойи ва сариёғни товада қиздириб олинг. Сабзавотлар, сосискани солинг ва унга туз қўшиб вақти-вақти билан аралаштиринг, масаллиқларни 20 дақиқа давомида паст оловда қовуринг.
- Сабзавотлар юмшаганда сув қуйинг, кейин асал, майдаланган қизил қалампир, мурч, қайласи билан аралаштирилган помидор солинг ва яхшилаб аралаштиринг.
- Иссиқликни энг паст даражага туширинг ва 10-15 дақиқа масаллиқларни пиширинг. Тайёр бўлган рагунинг устига кўк пиёзни сепинг ва қайнатилган гуруч ёки бошқа гарнир билан истеъмол қилинг.
Мавзуга доир:
Изоҳ (0)