Ичига товуқ қиймаси солинадиган мазали бақлажонли рулет тайёрлаймиз

Витаминларга бой сабзавотлар ва пишлоқдан тайёрланадиган ушбу таом ёқимли таъмга эга. Унга ўзингиз ёқтирган кўкатларни қўшишингиз мумкин.

Керакли масаллиқлар:

• бақлажон — 3-4 дона
• туз — таъбга кўра
• ўсимлик ёғи — 4 қошиқ
• сабзи — 1-2 дона
• булғор қалампири — 1 дона
• пиёз — 2 дона
• мурч — таъбга кўра
• помидор қайласи — 1-2 қошиқ
• сув — 100-150 мл
• товуқ қиймаси — 300 г
• қаттиқ пишлоқ — 80 г

1. Бақлажонни узунлиги бўйлаб ингичка қилиб кесиб олинг. Туз сепинг ва 5-10 дақиқага қолдиринг, кейин ювинг ва қоғоз сочиқ билан қуритинг.
2. Қиздирилган идишга 2 қошиқ ўсимлик ёғини солинг ва бақлажоннинг ҳар томонини айлантириб 2-3 дақиқа давомида қовуринг.
3. Сабзини каттароқ тишли қирғичдан ўтказинг. Булғор қалампири ва 1 та пиёзни майда қилиб тўғранг. Уларни 4-5 дақиқа давомида қовуриб туз ва қалампир қўшинг. Қовурилгандан кейин помидор қайласи қўшиб сув билан аралаштиринг.
4. Иккинчи пиёзни майдалаб, қийма билан аралаштиринг. Унга ҳам туз ва қалампир қўшинг.
5. Бақлажоннинг ҳар бир бўлагига қийма солинг ва уни ўраб олинг.
6. Бақлажонни пишириладиган идишга солинг ва устидан соус қуйинг.
7. Микротўлқинли печда 25-30 дақиқа давомида 180 даража ҳароратда пиширинг. Тайёр бўлишидан 5 дақиқа олдин устига майдаланган пишлоқ сепинг.

Мавзуга доир:

• Начинкасига творог қўшиб, қовоқчали рулет тайёрлаймиз
• Пишлоқ ва тухумдан тайёрланадиган ноодатий рулет рецепти
• Фольга ичига солиб пишириладиган товуқли рулет рецепти
• Ичига товуқ солиб, лавашдан рулет тайёрлаймиз