Ushbu taomda oregano va sarimsoqning nozik hidi, pishloq va cherri pomidorining nordon ta’mi uyg‘unlashadi. Qovoqcha, pomidor va pishloqdan tayyorlanadigan taomga o‘zingiz yoqtirgan ko‘katlarni ham qo‘shishingiz mumkin.
Kerakli masalliqlar:
- qovoqcha — 1400 g
- tuz — 2 qoshiq
- cherri pomidori — 250 g
- sarimsoq — 3 dona
- pishloq — 100 g
- o‘simlik yog‘i — 1-2 qoshiq va qo‘shimcha moylash uchun
- quritilgan oregano
- tuxum — 6 ta
- sut — 160 ml
- un — 40-50 g
- murch — ta’bga ko‘ra
- Qovoqchani kattaroq tishli qirg‘ichdan o‘tkazing yoki uzunasiga maydalab to‘g‘rang. Unga bir qoshiq tuz soling va aralashtirib 15 daqiqaga qoldiring. Keyin qovoqchadan ajralib chiqqan suvni siqib oling.
- Cherri pomidorlarini bo‘laklarga bo‘ling. Sarimsoqni pichoq bilan maydalang va pishloqni qirg‘ichdan o‘tkazing.
- O‘simlik yog‘ini qizdiring. Pomidorlarni sarimsoq va oregano bilan aralashtiring. O‘simlik yog‘i qizdirilgan idishga solib 4-5 daqiqa davomida qovuring.
- Tuxumni sut, un, tuz va qalampir bilan ko‘pirtiring va unga pishloq, qovoqcha, pomidor qo‘shib aralashtiring.
- Masalliqlarni yog‘langan idishga soling. Qovoqchali pirogni 50-60 daqiqa 180 daraja haroratda pishiring.
Mavzuga doir:
Izoh (0)