Ички ишлар вазирлиги Киберхавфсизлик маркази фуқароларни президентнинг сохта веб-сайтини яратган интернет фирибгарларидан огоҳлантирди.
Қайд этилишича, Telegram мессенжери орқали турли канал ва гуруҳларда Ўзбекистон Республикаси президентининг расмий веб-сайти кўринишидан фойдаланиб тарқатилаётган «Ўзбекистон президентидан тўлов, оғир иқтисодий вазият туфайли банк картасига эга бўлган ҳар қандай фуқаро тўловни олиши мумкин, бу ерда олишингиз мумкин 700 000 сўм» мазмунидаги хабарлар тарқалган. Ушбу хабарлар ёлғон ҳисобланади.
«Номаълум манзилдан келган ҳаволага кирманг, ташкилотнинг расмий манзилига мурожаат қилиб, маълумот олинг. Эҳтиёт бўлинг, фирибгарларнинг тузоғига тушиб қолманг», — дейилади хабарда.
Изоҳ (0)