1 август куни АҚШнинг Калифорния штатидаги улкан ҳудудни қамраб олган ёнғинда қолиб кетган автомобиль ичидан иккита одам жасади топилди. Бу ҳақда Associated Press хабар бермоқда.
29 июль куни шимолий Калифорниянинг Кламат миллий ўрмонида «Маккинни» ёнғини келиб чиққан. Ёнғин қарийб 225 квадрат километрни қамраб олган. Бу Калифорниядаги йил давомида содир бўлган энг йирик ўрмон ёнғинлари бўлиб, расмийлар унинг сабабини ҳали ҳам аниқлай олмаган.
Машина ва жасадлар 31 июль куни эрталаб Кламат дарёсининг чекка бир ҳудуди яқинидаги кўп қаватли уйнинг йўлагидан топилган, дейилади Сискию округи шерифи идорасининг баёнотида.
Бундан ташқари, 5 мингга яқин уй ва бошқа иншоотлар ёнғин хавфи остида қолган, яна қанча бинолар ёниб кетгани аниқ эмас, дея маълум қилди АҚШ ўрмон хизмати.
Мавзуга доир: Калифорнияда ўрмон ёнғинлари сабаб минглаб аҳоли эвакуация қилинди (фото)
Изоҳ (0)