Тожикистонда икки ва ундан кўп хотини бор эркаклар биринчи хотинидан унинг яна бошқа аёлга уйлангани юзасидан шикоят қилмагани учун миннатдор бўлиши керак. Бу ҳақда 2 август куни бўлиб ўтган матбуот анжуманида Хотин-қизлар ва оила масалалари қўмитаси раиси Ҳилолби Қурбонзода гапириб ўтди.
Унинг таъкидлашича, агар хотинлар қўшхотинлик факти бўйича тегишли давлат органларига шикоят қилиш ва даъво киритишга қарор қилса, уларнинг эрлари жазоланади.
Мамлакатда қўшхотинлик қонунчилик даражасида тақиқланган. Тожикистон Жиноят кодексининг 170-моддаси (икки ёки кўпхотинлик)ка кўра, бу моддани бузган шахслар энг кам ойлик иш ҳақининг минг бараваридан икки минг бараваригача миқдорда жарима ёки икки йилгача ахлоқ тузатиш ишлари ёхуд беш йилгача озодликни чеклаш билан жазоланади.
Изоҳ (0)