1-avgust kuni AQSHning Kaliforniya shtatidagi ulkan hududni qamrab olgan yong‘inda qolib ketgan avtomobil ichidan ikkita odam jasadi topildi. Bu haqda Associated Press xabar bermoqda.
29-iyul kuni shimoliy Kaliforniyaning Klamat milliy o‘rmonida “Makkinni” yong‘ini kelib chiqqan. Yong‘in qariyb 225 kvadrat kilometrni qamrab olgan. Bu Kaliforniyadagi yil davomida sodir bo‘lgan eng yirik o‘rmon yong‘inlari bo‘lib, rasmiylar uning sababini hali ham aniqlay olmagan.
Mashina va jasadlar 31-iyul kuni ertalab Klamat daryosining chekka bir hududi yaqinidagi ko‘p qavatli uyning yo‘lagidan topilgan, deyiladi Siskiyu okrugi sherifi idorasining bayonotida.
Bundan tashqari, 5 mingga yaqin uy va boshqa inshootlar yong‘in xavfi ostida qolgan, yana qancha binolar yonib ketgani aniq emas, deya ma’lum qildi AQSH o‘rmon xizmati.
Mavzuga doir: Kaliforniyada o‘rmon yong‘inlari sabab minglab aholi evakuatsiya qilindi (foto)