Уэльс шаҳзодаси Чарльзнинг хайрия фонди «Ал-Қоида» террорчилик ташкилоти етакчиси Усама бин Ладеннинг қариндошларидан миллион доллардан ортиқ хайрия маблағини олган. Бу ҳақда Daily Mail хабар қилди.
Нашрнинг ёзишича, қироллик оиласининг вориси пулларни «Ал-Қоида» асосчисининг ўгай ака-укаларидан олган. Чарльз улардан бири билан 2013 йил октябрь ойида (бин Ладен АҚШ махсус кучлари томонидан ўлдирилганидан икки йил ўтиб) Вестминстердаги Кларенс-хаус қароргоҳида учрашган.
Газетанинг таъкидлашича, шаҳзода ўз маслаҳатчилари ва фонд ходимларининг эътирозларига парво қилмай, ушбу эҳсонни қабул қилишга рози бўлган.
Шаҳзода Чарльз Елизавета II нинг тўнғич ўғли бўлиб, у қироличадан сўнг Британия тахтига ўтиради. Ундан ташқари, қироличанинг яна уч нафар фарзанди бор: малика Анна, шаҳзода Эдвард ва шаҳзода Эндрю. Учинчиси вояга етмаган қизларни зўрлаш айбловлари туфайли унвонидан маҳрум қилинган. Британия тахти учун иккинчи даъвогар Чарльзнинг тўнғич ўғли шаҳзода Уильямдир.
Изоҳ (0)