АҚШнинг Forrest Sherman ҳарбий кемаси Туркияга келди

АҚШнинг USS Forrest Sherman ракетали ҳарбий кемаси Туркия ҳарбий-денгиз кучларининг Аксаз базасига етиб келди. Бу ҳақда АҚШнинг 6-оператив флотига таяниб, «Gazeta.ru» хабар берди.

Ҳозир Tomahawk қанотли ракеталарини олиб юрувчи ушбу эсминец (ҳарбий кема) НАТОнинг Иккинчи доимий денгиз гуруҳи (SNMG-2) флагмани ҳисобланади. Ўрта Ер денгизида фаолият юритувчи бу гуруҳ Туркия, Италия ва Греция ҳарбий-денгиз кучларининг фрегатларини ўз ичига олади.

Сўнгги маълумотларга кўра, АҚШ ҳарбий-денгиз кучларининг Harry Truman авиаташувчиси бошчилигидаги зарба бериш гуруҳи Болқон ярим ороли ғарбидаги Адриатик минтақасида навбатчилик қилмоқда.

Бунгача, АҚШ ҳарбий-денгиз кучларининг EА-18 радиоэлектрон уруш самолёти Harry Truman авиаташувчиси билан бирга Руминия ҳаво ҳудудида ўқув парвозларини амалга оширган.

Аввалроқ Қўшма Штатлар ҳарбий-денгиз кучлари 100 дан ортиқ бошқарувчисиз бошқариладиган кемаларни қабул қилишни режалаштираётгани маълум бўлган эди. Ҳисоботларга кўра, 2045 йилга бориб Пентагон 523 та кемага эга бўлади, улардан 150 таси автоматик бошқариладиган кемалар бўлиши режалаштирилган.

Мавзуга доир: Дунёдаги энг йирик сувости кемаси «Дмитрий Донской» Россия флотидан чиқарилгани хабар қилинди. «ТАСС» манбалари эса кема йил охиригача хизматда қолишини айтмоқда