Uels shahzodasi Charlzning xayriya fondi “Al-Qoida” terrorchilik tashkiloti yetakchisi Usama bin Ladenning qarindoshlaridan million dollardan ortiq xayriya mablag‘ini olgan. Bu haqda Daily Mail xabar qildi.
Nashrning yozishicha, qirollik oilasining vorisi pullarni “Al-Qoida” asoschisining o‘gay aka-ukalaridan olgan. Charlz ulardan biri bilan 2013-yil oktabr oyida (bin Laden AQSH maxsus kuchlari tomonidan o‘ldirilganidan ikki yil o‘tib) Vestminsterdagi Klarens-xaus qarorgohida uchrashgan.
Gazetaning ta’kidlashicha, shahzoda o‘z maslahatchilari va fond xodimlarining e’tirozlariga parvo qilmay, ushbu ehsonni qabul qilishga rozi bo‘lgan.
Shahzoda Charlz Yelizaveta II ning to‘ng‘ich o‘g‘li bo‘lib, u qirolichadan so‘ng Britaniya taxtiga o‘tiradi. Undan tashqari, qirolichaning yana uch nafar farzandi bor: malika Anna, shahzoda Edvard va shahzoda Endryu. Uchinchisi voyaga yetmagan qizlarni zo‘rlash ayblovlari tufayli unvonidan mahrum qilingan. Britaniya taxti uchun ikkinchi da’vogar Charlzning to‘ng‘ich o‘g‘li shahzoda Uilyamdir.
Izoh (0)