Ижтимоий тармоқларда «Асакада уч-тўрт киши бир кишини дубинкалаб уриб ташлагани айтилмоқда», деган хабар тарқалди. Воқеа юзасидан Андижон вилояти ИИБ маълумот берди.
Аниқланишича, воқеа 2022 йилнинг 20 июль куни Асака туманининг «Ниёзботир» маҳалласида юз берган.
Маҳалла ҳудудида жойлашган савдо дўкони олдида фуқаро М.Ш. қўшниси вояга етмаган Х.Р билан ўзаро жанжаллашиб, қўли билан унинг юз қисмига урган ва енгил тан жароҳати етказган. Бундан аччиқланган Х.Р.нинг тоғалари М.А., Р.А. ҳамда М.А.лар билан 21 июль куни соат тахминан 16:00 да фуқаро М.Ш.нинг савдо дўконига бориб, у билан жиянини урганлиги масаласида гаплашиб, жанжаллашиб қолган.
Жанжал вақтида М.Ш. қўли билан М.А.нинг юзига урган. М.А. ва бошқалар эса қўли ва таёқ билан унинг танасига уриб, енгил тан жароҳати етказган.
Мазкур ҳолат юзасидан Асака туман ички ишлар бўлими ҳузуридаги тергов бўлинмаси томонидан М.А. ва бошқаларга нисбатан Жиноят кодексининг 109-моддаси 2-қисми (қасддан баданга енгил шикаст етказиш) билан жиноят иши қўзғатилган. Ҳозирда тергов ҳаракатлари олиб борилмоқда.
Изоҳ (0)