Сахалин-2 газ харидорларидан тўловларни Россия банки орқали тўлашни талаб қилмоқда

Россия мамлакатнинг узоқ шарқидаги Сахалин-2 суюлтирилган газ заводи мижозларидан Россия банки орқали тўловларни амалга оширишни сўрамоқда. Бу ҳақда Bloomberg хабар берди.

Шартномалар шартлари, хусусан, ҳисоб-китоб валютаси, етказиб бериш ҳажми, нархлари ва етказиб бериш йўналишлари ўзгаришсиз қолади, — дейилади хабарда.

Бутун дунё ёқилғи тақчиллиги ва энергия нархининг ўсиши билан курашаётган бир пайтда, бу ёқилғининг етказиб берилишини кечиктириши мумкин.

Санкциялар ҳам жараённи мураккаблаштириши мумкин, чунки LNG харидорлари банк ўзгариши жорий чекловларни бузмаслигига ишонч ҳосил қилишни хоҳлайди, — дейилади манбада.

Sakhalin Energy компаниясининг назорат пакети (50 фоиз) Газпромга тегишли, Shell 27,5 фоиз улушга эга, Mitsui ва Mitsubishi мос равишда 12,5 фоиз ва 10 фоизга эга.

Ишлаб чиқарилган суюлтирилган газнинг асосий қисми Японияга жўнатилади. Россиядан етказиб бериш мамлакатнинг LNG’га бўлган эҳтиёжининг 8,8 фоизини қоплайди, унинг катта қисми Сахалин-2 дан келади.

Аввалроқ Япония июнь ойида Россия нефть импортини тўхтатгани ҳақида хабар берилганди.