Дунёда геосиёсий бўлиниш хавфи юзага келди — ХВФ

Халқаро валюта фонди (ХВФ) Украинадаги уруш анъанавий иқтисодий ва молиявий рисклар билан бир қаторда, унинг геосиёсий қисмларга бўлиниш хавфини келтириб чиқаришидан огоҳлантирди. Бу ҳақда «РБК» хабар бермоқда.

Ўрта муддатли истиқболдаги жиддий хавф шундан иборатки, Украинадаги ҳарбий ҳаракатлар жаҳон иқтисодиётининг аниқ ажралиб турадиган технологик стандартларга, халқаро тўлов тизимларига, захира валюталарига эга бўлган геосиёсий қисмларга бўлинишига ёрдам беради, — дейилади ҳисоботда.

Шу билан бирга, ҳозирги вақтда ХВФ иқтисодиётнинг қайта тикланиши ёки савдони деглобализация қилишнинг муҳим белгиларини кўрмаяпти.

Агар геосиёсий бўлиниш тенденцияси кучайса, бу кўп томонлама ҳамкорлик, жумладан, иқлим ўзгаришига қарши кураш соҳасидаги самарадорликни пасайтириши мумкин.

Келгусида бундай тарқоқлик ҳозирги озиқ-овқат инқирозининг одатий ҳолга айланишига ҳам олиб келиши мумкин, — дея огоҳлантиради ХВФ.

Филаделфиядаги Ташқи сиёсатни ўрганиш институти илмий ходими Максимилиан Хессга кўра, жаҳон иқтисодиётининг геосиёсий қисмларга бўлиниш хавфи бўрттирилган.

Аввалроқ ХВФ инфляция сабаб жаҳон глобал ўсиш прогнозини учинчи марта пасайтиргани ҳақида хабар берилганди.