Туркиянинг Миллий статистика институти маълумотларига кўра, июнь ойида мамлакатдаги инфляция ўтган йилнинг шу даврига нисбатан 78,6 фоизни ташкил этди. Бу ҳақда давлат Марказий банки раҳбари Шаҳап Кавжиўғлу хабар берди.
Туркияда инфляция 60,4 фоизга етиши кутилмоқда. Бир йил олдин бу кўрсаткич 42,8 фоиз деб прогноз қилинган.
Прогноз глобал тенденцияларни ҳисобга олган ҳолда қайта кўриб чиқилган. Йилнинг иккинчи чорагида геосиёсий рисклар сақланиб қолди ва уларнинг таъсири иқтисодиётга салбий таъсир кўрсатишда давом этмоқда.
Бундан ташқари, вазиятга пандемия оқибатлари, энергетика бозоридаги вазият ва бошқа омиллар таъсир кўрсатмоқда.
Ўтган йилнинг декабрь ойидан бери Туркия ҳукумати турк лирасини мустаҳкамлашга қаратилган янги иқтисодий сиёсатини олиб бормоқда.
Шундан сўнг кўплаб маҳаллий иқтисодчилар уни ошириш зарурлиги ҳақида гапирса ҳам, Туркия Марказий банки ҳафталик репо аукцион ставкасини ўзгаришсиз 14 фоиз даражасида ушлаб турди.
Турк миллий валютаси йил бошидан буён 25 фоиздан ортиқ қадрсизланди. Иқтисодчиларнинг фикрича бу тенденция ҳали давом этади.
Аввалроқ Туркияда нархларнинг ошиши яна бир рекорд ўрнатгани ҳақида хабар берилганди.
Изоҳ (0)