Осиёда газ нархи сўнгги ойлардаги рекорд даражага кўтарилди

Осиёда табиий газ нархлари сўнгги тўрт ойдаги энг юқори даражага кўтарилди. Бу ҳақда Bloomberg хабар бермоқда.

S&P Global маълумотларига кўра, Шимолий Осиё учун суюлтирилган газ (LNG) спот кўрсаткичи 15 фоизга ўсиб, 8 мартдан бери энг юқори даражага кўтарилди.

Шимолий Осиёга экспорт учун LNG жўнатмалари Европага бир миллион Btu премиум учун 6-8 долларни ташкил этади.

Япония-Корея маркери Британия учун деярли 52 долларга кўтарилди, бу ўтган йилнинг шу давридаги даражадан уч баравар кўп.

Япония-Корея маркери — Япония, Жанубий Корея, Хитой ва Тайванга етказиб берилган LNG’нинг спот бозор қийматини акс эттирувчи эталон баҳодир.

Япония ва Жанубий Кореядаги бир қанча импортчилар спот нархларнинг ўсишига қарамай, куз ва қишда экспорт қилиш учун хом ашёларни қидиришда давом этмоқда.

26 июлда Европадаги газ нархи йил давомидаги кўрсаткичдан 10 бараварга кўтарилди. Бу осиёлик харидорларнинг нархлар тушиши мумкин деган умидларини йўққа чиқарди ва муҳим қишки мавсум олдидан таъминот заруриятини кучайтирди.

Аввалроқ Осиё давлатлари қиш учун газ сотиб олиш жараёнини тезлаштираётгани ҳақида хабар берилганди.