Rossiya mamlakatning uzoq sharqidagi Saxalin-2 suyultirilgan gaz zavodi mijozlaridan Rossiya banki orqali to‘lovlarni amalga oshirishni so‘ramoqda. Bu haqda Bloomberg xabar berdi.
Shartnomalar shartlari, xususan, hisob-kitob valyutasi, yetkazib berish hajmi, narxlari va yetkazib berish yo‘nalishlari o‘zgarishsiz qoladi, — deyiladi xabarda.
Butun dunyo yoqilg‘i taqchilligi va energiya narxining o‘sishi bilan kurashayotgan bir paytda, bu yoqilg‘ining yetkazib berilishini kechiktirishi mumkin.
Sanksiyalar ham jarayonni murakkablashtirishi mumkin, chunki LNG xaridorlari bank o‘zgarishi joriy cheklovlarni buzmasligiga ishonch hosil qilishni xohlaydi, — deyiladi manbada.
Sakhalin Energy kompaniyasining nazorat paketi (50 foiz) Gazpromga tegishli, Shell 27,5 foiz ulushga ega, Mitsui va Mitsubishi mos ravishda 12,5 foiz va 10 foizga ega.
Ishlab chiqarilgan suyultirilgan gazning asosiy qismi Yaponiyaga jo‘natiladi. Rossiyadan yetkazib berish mamlakatning LNG’ga bo‘lgan ehtiyojining 8,8 foizini qoplaydi, uning katta qismi Saxalin-2 dan keladi.
Avvalroq Yaponiya iyun oyida Rossiya neft importini to‘xtatgani haqida xabar berilgandi.
Izoh (0)