Ҳамма ҳам бу лаҳзани имкон қадар орқага суришни хоҳлайди. Ажин тушиши, терининг қариши, гиперпигментация ва бошқалар ҳар қандай аёлда ҳам хавотир ҳиссини пайдо қилади. Бироқ кексаликнинг барча мумкин бўлган белгиларини билиб қўйиш — бу жараённи иложи борича ортга суришга имкон бериши мумкин, деб ёзади Wday.
Тери қуриши
Косметологларнинг таъкидлашича, аралаш ёки ёғли терига эга одамлар бошқаларга қараганда анча секин қарийди. Бунинг барчаси уларнинг териси доимий озиқланиш ва намланишга муҳтож эмаслиги билан боғлиқ. Қуруқ тери қоида тариқасида, доимо сувсизланади, тери кўчишига мойил бўлади. Унинг кучайиши юздаги ажинлар пайдо бўлишининг асосий сабаби бўлиши мумкин.
Муаммонинг ечими глицеринни ўз ичига олган намлантирувчилардан фойдаланиш керак, айнан у терининг сирт қатламида сув молекулаларини ушлаб туради. Шунингдек, гиалурон кислотаси терини намлик билан тўйинтиради, шунингдек, ажинлар тушишининг олдини олади. Гиалурон кислотаси билан препарат юзнинг маълум жойларига қатъий белгиланган тартибда киритилади, бу юмшоқ ва табиий равишда терининг тортилишига имкон беради.
Юз рангининг хиралашиши
Бу кучли чарчоқ ва қуёш етарли эмаслиги билан боғлиқ бўлиши мумкин, чунки шаҳарда яшовчи деярли барча аҳолининг териси хира рангга эга. Аммо тери тонуси нотекис ва бўйинда доғлар пайдо бўлса, бу қариш жараёни содир бўлаётганининг аниқ белгисидир.
Муаммонинг ечими C витаминини ўз ичига олган маҳсулотлардан, шунингдек антиоксидантлардан фойдаланишдир. Улар терининг ҳолатини текислайди ва уни ҳимоя қилади. Шунингдек, SPF маҳсулотидан фойдаланишни унутмаслик керак.
Имо-ишора ажинлари
Биринчи ажинлар мутлақо ҳар қандай ёшда, 18 ва 25 ёшда пайдо бўлиши мумкин. Бу кўп жиҳатдан фаол юз ифодалари ва қуруқ терига боғлиқ. Аввало, улар кўзларнинг бурчакларида пайдо бўлади, сўнгра пешона, қошлар ўртаси ва лаб бурчакларига туша бошлайди.
Ушбу ҳолатда қаришга қарши воситалардан фойдаланишни дарҳол бошлаш тавсия этилади, чунки улар мимик ажинлар билан самарали курашади.
Пигмент доғлар
Ёшликда бу каби ранги тўқ доғлар безовта қилмайди, чунки организмдаги меланин тўғри ишлаб чиқарилади ва ультрабинафша нурлари таъсиридан ҳимоя қилади. У жуда кўп ёки аксинча, етарли бўлмаганда, ёш билан боғлиқ доғлар пайдо бўлади. Улар эрта қаришнинг бошланганидан дарак беради.
Бу каби доғларнинг олдини олиш учун юқори ҳимоя омилига эга кремдан ишлатиш керак. Агар улар аллақачон пайдо бўлган бўлса, оқартирувчи эффектли маҳсулотларни диққат билан кўриб чиқиш тавсия этилади ёки уларни лазер ёрдамида бутунлай олиб ташлайдиган косметологга мурожаат қилиш мумкин.
Сочларнинг сийраклашиши
Албатта, ёш ўтган сари сочлар заиф ва сийракраклашади. Бу, асосан, ҳар бир тўкилишдан кейин ўрнини босадиган сочларнинг соғлом ўсиши учун кучга эга эмаслиги билан боғлиқ. Шунинг учун вақти-вақти билан соч ўсишини рағбатлантирадиган ва қалинлаштирадиган маҳсулотлардан фойдаланиш тавсия этилади.
Юз шаклининг ўзгариши
Ўз коллагенини ишлаб чиқариш 30 ёшдан кейин секинлаша бошлайди, шунинг учун жағ чизиғи ўзгаради ва тери осилиши пайдо бўлади. Буларнинг барчаси автоматик равишда ёшга ёш қўшади.
Ушбу вазиятда энг зарарсиз процедура — бу массаж. Муайян ҳаракатлар тўқималарда ички жараёнларни фаоллаштиради, терининг ҳолатини яхшилайди ва юз шакли текисланади.
Изоҳ (0)