Чиройли сочлар ҳар кимнинг ўзига бўлган ишончини оширади. Аксинча, ёғли сочлар кайфиятни тушириши мумкин. Бундай вазият кўпинча шошилинч учрашувлар олдидан қийин аҳволга солади. Wday нашри ушбу вазиятда қутқарадиган бир нечта лайфхаклар билан бўлишди.
Сочларнинг ёғланиши бутунлай табиий ҳолат. Аммо секреция ортиқча бўлса ёки тери мунтазам тозаланмаса, бу бош териси ва сочнинг ёғланишига олиб келиши мумкин. Шунингдек, сочларнинг меъёридан кўпроқ ёғланишига бир неча сабаб мавжуд:
Юқори намлик
Ёмғирли мавсумда ёки шунчаки иссиқ ва нам ҳавода инсон кўпроқ терлайди. Шунингдек, терлаган бош терисида кир тўпланади, натижада сочлар ёғли кўринишни бошлайди.
Бошнинг етарли даражада тозаланмаганлиги
Бош териси тез-тез ва етарлича тозаланмаса, қичишишни келтириб чиқаради. Бош терисининг кўчиши бошланади. Сочлар чигал, жонсиз ва мўртлашади. Буларнинг барчаси етарли даражада тозаламасликнинг оқибатида юзага келади. Ҳафтада бош терисини 2-3 марта шампунлаб ювиш тавсия этилади.
Жуда кўп шампунда ювиш
Ёғли сочларга бўлган муносабат уларни ювиш билан боғлиқ бўлса-да, бу доим ҳам ўзини оқламайди. Шампуньни тез-тез ювиш бош терисининг табиий ёғларини йўқ қилади, бу эса бу модданинг янада кўпроқ ишлаб чиқарилишига олиб келади. Натижасида ёғли бош териси сочларнинг кир кўринишига олиб келади.
Кондиционерни нотўғри қўллаш
Сочнинг силлиқлиги учун ҳаддан ташқари кўп кондиционер қўллаш жиддий муаммоларга олиб келади. Жуда кўп маҳсулот қўллаш бош терисини ёғли қилиб юборади ва барча чангни ўзига тортади. Бу эса бош терисидан ажралган ёғ чанг билан қоришиб, соч толаларининг кир бўлишини таъминлайди.
Тозаланмаган тароқ
Кир, ўлик тери ҳужайралари ва синган сочлар вақт ўтиши билан тароқларга ёпишиб қолади. Уларни тозаламасдан фойдаланиш эса барча кирни сочларга ўтиб, уни ёғли бўлишига сабаб бўлади.
Сочларга тегиниш одати
Агар сочларга тез-тез тегиш одати мавжуд бўлса, бу ҳам уларнинг тезда ёғланишига олиб келади. Бу фаолият ёғ безларини рағбатлантиради, бош териси ва сочни янада ёғли қилади.
Ёғли сочлардан халос бўлиш учун лайфхаклар
Қуруқ шампунь
Қуруқ шампунь ҳақида билмасдан туриб, ёғли сочлар ҳақида гапириш мумкин эмас. Сочни ювиб, қуритиш учун соатлаб кутишга вақт йўқлиги сабабли, унинг ўрнига қуруқ шампундан фойдаланиш тавсия этилади. У сочларга, шу жумладан илдизларига сепилади, сўнгра фендан фойдаланган ҳолда таралади. Бир неча сония ичида сочлар ажойиб кўринишидан ҳайратда қолиш мумкин.
Қуруқ шампунь бўлмаса, унинг ўрнига чақалоқ учун мўлжалланган кукунни ишлатиш мумкин. Оқ кукун қолдиқлари кўринмаслиги учун яхшилаб тарашни унутманг.
Юз салфеткалари
Юздаги ёғни олиб ташлаш учун ишлатадиган салфетка бош терисидаги ортиқча ёғни кетказиш учун ҳам ишлатилиши мумкин. Сочлар бир неча қисмларга ажратилиб, бош териси ва илдизлари салфеткалар билан артилади. Сўнгра соч турмаги дарҳол янгиланади.
Фен
Илдизларда тўпланган оз миқдордаги ёғдан қутулиш учун сочларини фен билан қуритиб кўринг. Сочга ёрқинлик ва силлиқлик қўшиш учун фен билан қуритиб бўлгач, сочларга денгиз тузи спрейидан пуркаш мумкин.
Атир
Хавотир олманг, бу ёғли сочлар учун энг зўр лайфхак бўлиб, кир кўринишдан халос бўлишга ва шу билан бирга сочларнинг ёқимли ифор таратишига ёрдам беради. Дезинфекциялаш воситалари сингари атир таркибида мавжуд бўлган спирт ёғни тозалашга ҳисса қўшади. Бу усул кўпчилик томонидан мақтовга сазовор бўлса-да, кучли ҳидли атирлардан фойдаланиш тавсия этилмайди. Агар тери аллергияга мойил бўлса бу бош терисини қизариши ва қуришига олиб келиши мумкин.
Истеъмол содаси
Истеъмол содаси — табиат бизга берган энг яхши табиий маҳсулот. Бу қуруқлик ва соч тўкилишига олиб келмасдан бош терисида ёғ ишлаб чиқаришни назорат қилишга ёрдам беради. Бир литр сув билан 2-3 ош қошиқ истеъмол содаси билан аралаштирилиб, бош терисига суртилади. 20-30 дақиқага қолдирилиб, доимгидек ювилади. Ажойиб натижаларга эришиш учун ушбу оддий тартибни ҳафтада икки марта такрорлаш тавсия этилади.
Изоҳ (0)