2021 йилда Германиянинг давлат қарзи 2,32 триллион еврони ташкил қилиб, тарихий энг юқори даражага етди. Бу ҳақда 28 июль куни Германия Федерал статистика бошқармаси маълумотларига таяниб «ТАСС» хабар бермоқда.
2021 йилда давлат қарзи 2020 йил якунларига нисбатан 6,8 фоизга (ёки 148,3 миллиард еврога) ўсиб, статистика тарихидаги энг юқори даражага етди, — дейилади шарҳда.
Агентлик ўсишни коронавирус пандемиясига қарши курашиш чоралари билан изоҳлади.
Аввалроқ Германия 30 йил ичида биринчи марта экспортдан кўра кўпроқ импорт қилган эди.
Май ойида мамлакат экспорти 125,8 млрд еврони ташкил қилган бўлса, импорт эса 126,7 млрд еврога етди. Бу Германияда 1991 йилдан бери биринчи марта юз берди.
Изоҳ (0)