Донецк халқ республикасидаги Еленовка қишлоғида жойлашган колонияга зарба берилиши оқибатида 53 киши ҳалок бўлди, яна 130 киши яраланди. Бу ҳақда ДХР ҳудудий мудофаа штаб-квартирасига таяниб, «Интерфакс» хабар берди.
ДХР расмийларининг даъво қилишича, зарбани Украина Қуролли кучлари Американинг MLRS HIMARS ракета тизимлари орқали йўллаган. Ракета маҳбуслар сақланаётган казармага тушган. Қурбонлар ва жароҳатланганлар сони ортиши мумкин.
ДХР раҳбари Денис Пушилиннинг айтишича, отишма пайтида бинода 193 киши бўлган, бино зарар кўрмаган. Унинг қўшимча қилишича, Еленовкадаги тергов изоляторида сақланаётганлар орасида хорижликлар йўқ.
Украина Қуролли кучлари Бош штаби эса колонияга қилинган ҳужумда Россияни айбламоқда. Бош штаб ҳисоботига кўра, украиналик ҳарбий асирлар сақланаётган ушбу колонияни Россия ҳарбийлари артиллериядан ўққа тутган. Баёнотда зарба «мақсадли ва қасддан» берилгани таъкидланган.
Изоҳ (0)