Франциянинг Париж шаҳридаги маҳобатли Нотр-Дам собори 2024 йилда омма учун қайта очилади. Бу ҳақда Франция маданият вазири Рима Абдул Малакга таяниб, Reuters хабар берди.
Маданият вазирининг айтишича, қайта тиклаш лойиҳасининг тозалаш босқичи якунланган, бу эса таъмирлаш ишларини ёз охирида бошлаш имконини берди.
«Ишончимиз комилки, 2024 йилда бу ишларнинг салмоқли қисми якунланади, собор диндорлар ва жамоатчиликка қайта очлади», — деди Абдул Малак объектга ташрифи чоғида.
Эслатиб ўтамиз, 2019 йилда кучли ёнғин оқибатида Нотр-Дам соборининг томи ёниб кетган эди, унинг тепа қисми қулаб тушган. Ҳозирда минглаб одамларнинг кўз ўнгида юз берган, кўпчилик ёнаётган бино ёнида ибодат қилган. Қутқарувчилар ёнғин билан тўққиз соатдан ортиқ курашган.
Ёнғиндан кўп ўтмай, президент Эммануэль Макрон XII асрга оид собор қайта тикланишини эълон қилди ва уни 2024 йилгача ташриф буюрувчилар учун қайта очишга ваъда берди.
Собор ўзининг асл ҳолатига қайтарилади, жумладан, унга 1800 йиллар ўрталарида меъмор Эжен Виолле-ле-Дюк томонидан ишлаб чиқилган 96 метрли шпил (гумбазнинг учи) ўрнатилади, шпил учун янги ёғоч танланган.
Мавзуга доир: Париждаги Нотр-Дам ибодатхонасининг вайронкор ёнғиндан икки йил ўтгандан кейинги ҳолати — суратларда
Изоҳ (0)